വേലി ചാടിക്കടന്ന് സിംഹത്തിന് മുന്നിൽ ഡാൻസ് ചെയ്ത് യുവതി. അമേരിക്കയിലെ ബ്രോൺക്‌സ് മൃഗശാലയിലാണ് ഞെട്ടിക്കുന്ന സംഭവമുണ്ടായത്. സിംഹങ്ങളെ പാർപ്പിച്ച അതിസുരക്ഷാ മേഖലയിൽ വേലി ചാടിക്കടന്ന് യുവതി സിംഹത്തിന് മുന്നിൽ നൃത്തം ചെയ്യാൻ തുടങ്ങി. ആഫ്രിക്കൻ സിംഹങ്ങളെ പാർപ്പിച്ച കൂട്ടിലേക്കാണ് യുവതി സുരക്ഷാ ജീവനക്കാരുടെ കണ്ണുവെട്ടിച്ച് കയറിയത്.
സിംഹത്തിന് മുന്നിൽ ഐ ലവ് യൂ ബേബി എന്ന പാട്ടും പാടി നൃത്തം ചെയ്യാൻ തുടങ്ങി. ഏത് നിമിഷവും സിംഹത്തിന്റെ നഖങ്ങൾക്കും പല്ലുകൾക്കും യുവതി ഇരയാകുമെന്ന് കരുതി. യുവതി നൃത്തം ചെയ്യുന്ന ദൃശ്യങ്ങൾ സമൂഹമാധ്യമങ്ങളിൽ വൈറലാണ്.