‘അതീവ സുന്ദരി ആയിരിക്കണം, നന്നായി പാചകം ചെയ്യാൻ അറിഞ്ഞിരിക്കണം, സമ്പന്നയായിരിക്കണം, കുട്ടികളെ വളർത്താൻ അറിയണം, രാജ്യസ്നേഹം ഉണ്ടായിരിക്കണം, ബ്രാഹ്മണ യുവതി ആയിരിക്കണം’ ഡോ. അഭിനവ് കുമാർ എന്ന ചെറുപ്പക്കാരൻ തനിക്ക് വധുവിനെ അന്വേഷിച്ച് പത്രത്തിൽ നൽകിയ പരസ്യമാണിത്. ഇതാണ് ഇപ്പോൾ സോഷ്യൽ മീഡിയകളിൽ ചർച്ച ചെയ്യപ്പെടുന്നത്.
ബിഹാറില്‍നിന്നുള്ള ഡോ. അഭിനാവോ കുമാറാണ് സര്‍വഗുണസമ്പന്നയായ വധുവിനെ തേടുന്നത്. അഭിനവ് ഡോ. ആണെങ്കിലും നിലവിൽ പണിയൊന്നുമില്ല. ഇതിൽ അഭിനവ് എടുത്തുപറയുന്ന ഒരു ഗുണം രാജ്യസ്നേഹം ഉണ്ടായിരിക്കണം എന്നതാണ്.
ഇന്ത്യാ രാജ്യത്തോട് അതീവ ദേശസ്നേഹമുള്ള വ്യക്തിയായിരിക്കണം എന്നതിനുപുറമെ, രാജ്യത്തിന്റെ സൈനിക ബലം വർധിപ്പിക്കാൻ തൽപ്പര്യയായിരിക്കണം. ജാര്‍ഖണ്ടില്‍നിന്നോ ബിഹാറില്‍നിന്നോ ഉള്ള ബ്രാഹ്മണ സമുദായത്തില്‍ നിന്നുള്ള പെണ്‍കുട്ടികളായിരിക്കണം. കുട്ടികളെ നന്നായി വളർത്താൻ അറിയാവുന്നവളും ആയിരിക്കണം എന്നിങ്ങനെയായിരുന്നു യുവാവിന്റെ ആവശ്യങ്ങൾ. ഇതോടെ പരസ്യം വളരെ പെട്ടന്നാണ് സോഷ്യൽ മീഡിയകളിൽ വൈറലായത്.