സിനിമാ മേഖലയിൽ സ്ത്രീ പുരുഷ സമത്വം വേണമെന്ന ആവശ്യവുമായി മുന്നോട്ട് വന്ന കൂട്ടായ്മയാണ് ഡബ്ല്യൂ സി സി. സർക്കാരിന്റേയും സിനിമയിലെ തന്നെ പല പ്രമുഖരുടേയും പിന്തുണ തുടക്കക്കാലത്ത് ഇവർക്കുണ്ടായിരുന്നു. എന്നാൽ, താരസംഘടനയായ അമ്മയെ പരസ്യമായി ഇക്കൂട്ടർ കടന്നാക്രമിക്കാൻ തുടങ്ങിയതോടെ പലരും തങ്ങൾ നൽകിയ പിന്തുണ പിൻ‌വലിച്ചിരുന്നു.
പിന്തുണ നൽകിയവരുടെ കൂട്ടത്തിൽ നടൻ പൃഥ്വിരാജുമുണ്ട്. തുടക്കം മുതൽ സ്ത്രീ പുരുഷ സമത്വത്തിനു വൻ പിന്തുണ പ്രഖ്യാപിച്ച നടനാണ് പൃഥ്വിരാജ്. എന്നാൽ ഇപ്പോഴിതാ, താന്‍ ഡബ്ല്യുസിസിക്ക് പിന്തുണ അറിയിച്ച്‌ സമൂഹ മാധ്യമത്തില്‍ പോസ്റ്റിട്ടതിന് പിന്നില്‍ സംവിധായിക അഞ്ജലി മേനോന്‍ ആണെന്ന് പൃഥ്വിരാജ് തുറന്നു പറഞ്ഞിരിക്കുകയാണ്.
