വന്‍ വിലക്കുറവുമായി ജാപ്പനീസ് കാർ നിർമാതാക്കളായ നിസ്സാന്റെ പ്രീമിയം സെഡാന്‍ ‘സണ്ണി’. പുതുക്കിയ വിലയനുസരിച്ച് ‘സണ്ണി’യുടെ അടിസ്ഥാന വകഭേദത്തിന് 6.99 ലക്ഷം രൂപയാണ് ഡൽഹി ഷോറൂമിലെ വില. അതേസമയം കണ്ടിന്വസ്ലി വേരിയബ്ൾ ട്രാൻസ്മിഷൻ സൌകര്യത്തോടുകൂടിയ ‘സണ്ണി’ക്ക് 8.99 ലക്ഷം രൂപയാണ് വിലയെന്നും കമ്പനി വൃത്തങ്ങള്‍ അറിയിച്ചു.
ആഗോളതലത്തിൽ പിന്തുടര്‍ന്നുപോരുന്നതും ഗുണനിലവാരത്തിൽ ഒരുതരത്തിലുള്ള വിട്ടുവീഴ്ചയും ചെയ്യാതെ പ്രാദേശികതലത്തിൽ നിർമിക്കുന്നതിനാലുമാണ് ‘സണ്ണി’ ആകർഷക വിലയ്ക്കു ലഭ്യമാക്കാന്‍ കഴിയുന്നതെന്ന് സ്സാൻ മോട്ടോർ ഇന്ത്യ മാനേജിങ് ഡയറക്ടർ അരുൺ മൽഹോത്ര വിശദീകരിച്ചു. ചെന്നൈയ്ക്കടത്ത് ഒരഗടത്തുള്ള ശാലയിൽ നിർമിക്കുന്ന ‘സണ്ണി’ കമ്പനിയുടെ പതാകവാഹക മോഡലാണെന്നും അദ്ദേഹം പറഞ്ഞു.
‘സണ്ണി’യുടെ വിവിധ വകഭേദങ്ങള്‍ക്ക് ഡല്‍ഹി ഷോറൂമിലെ വില: പെട്രോൾ എക്സ് ഇ — 6.99 ലക്ഷം, പെട്രോൾ എക്സ് എൽ — 7.59 ലക്ഷം, പെട്രോൾ എക്സ് വി (സി വി ടി) — 8.99 ലക്ഷം, ഡീസൽ എക്സ് ഇ — 7.49 ലക്ഷം, ഡീസൽ എക്സ് എൽ — 7.99 ലക്ഷം, ഡീസൽ എക്സ് വി — 8.99 ലക്ഷം.