500 രൂപയ്ക്ക് അൺലിമിറ്റഡ് സർവീസ്; പ്രവാസികൾക്ക് മികച്ച ഓഫറുകളുമായി ജിയോ

രാജ്യത്തെ മുൻനിര ടെലികോം സേവന ദാതാക്കളായ റിലയൻസ് ജിയോ മികച്ച ഓഫറുകളുമായി രംഗത്ത്. മികച്ച ഓഫറുകൾ നൽകുന്നതിൽ ജിയോ എന്നും മുന്നിൽ തന്നെയാണ്. എന്നാൽ വിദേശ രാജ്യങ്ങളിൽ സന്ദർശനം നടത്തുന്നവർക്കും പ്രവാസികൾക്കും ഏറെ ഉപകാരപ്പെടുന്ന ഓഫറുകളും പ്ലാനുകളുമാണ് ജിയോ ഇപ്രാവശ്യം മുന്നോട്ടുവന്നിരിക്കുന്നത്. 

ഏറ്റവും കുറഞ്ഞ നിരക്കിലുള്ള രാജ്യാന്തര റോമിങ് നിരക്കുകളും ജിയോ പുറത്തുവിട്ടു. കോൾ, ഡാറ്റ, എസ്എംഎസ് സേവനങ്ങൾക്ക് 2-2-2 രീതിയിലാണ് നിരക്കുകൾ ഈടാക്കുന്നത്. അതായത്, ഒരു മിനിറ്റ് കോളിന് 2 രൂപ, ഒരു എംബി ഡാറ്റയ്‌ക്ക് 2 രൂപ, എസ്എംഎസിന് 2 രൂപ എന്നിങ്ങനെയാണ്.

ഇതിന് പുറമെ, കോൾ, ഡാറ്റ, എസ്എംഎസ് എന്നിവ ഉൾപ്പെടെ 500 രൂപയ്‌ക്ക് ഒരു ദിവസത്തേക്ക് ജിയോ വഴി അൺലിമിറ്റഡ് സർവീസും ആസ്വദിക്കാം. ലോകത്തിൽ 170 രാജ്യങ്ങളിൽ ജിയോയ്‌ക്ക് സേവനം ലഭിക്കുമെന്നാണ് കമ്പനി വക്‌താവ് അറിയിച്ചത്.