സ്മാർട്ട്ഫോൺ വിപണിയിൽ ആമേരിയ്ക്കയെ പിന്നിലാക്കി ഇന്ത്യ രണ്ടാം സ്ഥാനത്ത്. ചൈനയാണ് ലോകത്തിലെ ഏറ്റവും വലിയ സ്മാർട്ട്ഫോൺ വിപണി. കുറഞ്ഞ വിലയിൽ മികച്ച സ്മാർട്ട്ഫോണുകൾ ചൈനീസ് സ്മാർട്ട്ഫോൺ നിർമ്മാതാക്കൾ ഇന്ത്യൻ വിപണിയിൽ ലഭ്യമാക്കാൻ തുടങ്ങിയതോടെയാണ് ഇന്ത്യൻ സ്മാർട്ട്ഫോൺ വിപണിയിൽ വലിയ കുതിച്ചുചാട്ടം ഉണ്ടായത്.
2019ലെ സ്മാർട്ട്ഫോൺ വിൽപ്പനയിൽ 72 ശതമാനവും ചൈനീസ് കമ്പനികളാണ് സ്വന്തമാക്കിയിരിയ്ക്കുന്നത്. 2018ൽ ഇത് 60 ശതമാനം മാത്രമായിരുന്നു. ഓൺലൈൻ വിൽപ്പനയിൽ ശ്രദ്ധ കേന്ദ്രീകരിച്ചിരുന്ന ഷവോമി, റിയൽമി വൺപ്ലസ് തുടങ്ങിയ ബ്രാൻഡുകൾ ഓഫ്‌ലൈൻ സ്റ്റോറുകളിലേക്ക് വിൽപ്പന വികസിപ്പിച്ചപ്പോൾ. ഓഫ്‌ലൈൻ ഷോറൂമുകളെ ഏറെ ആശ്രച്ചിരുന്ന ഓപ്പോ വിവോ തുടങ്ങിയ ബ്രാൻഡുകൾ ഓൺലൈനിലും സജീവമായി.
