വരുന്ന ഏപ്രില്‍ ഒന്നുമുതല്‍ ടൂവീലറില്‍ പോകുമ്പോള്‍ വഴിയാത്രക്കാര്‍ ‘ലൈറ്റ് കത്തിക്കിടക്കുന്നേ’ എന്ന് നിങ്ങളെ എപ്പോഴും ഓര്‍മ്മിപ്പിക്കും. നിങ്ങള്‍ ലൈറ്റ് ഓഫ് ആക്കാന്‍ ശ്രമിച്ചാലും നടക്കുകയുമില്ല. അതേ, ടൂവീലറില്‍ ഇനി എപ്പോഴും ഹെഡ് ലൈറ്റ് കത്തിത്തന്നെ കിടക്കും.
പൊടിപടലമുള്ള പ്രദേശത്തുകൂടെ വണ്ടിയോടിക്കുമ്പോള്‍, മഞ്ഞുവീഴ്ചയുള്ളപ്പോള്‍, പുലര്‍ച്ചെയുള്ള ബൈക്ക് യാത്ര തുടങ്ങിയവയ്ക്കൊക്കെ ഈ സംവിധാനം സഹായകമാണ്. പകല്‍ സമയത്തും ഹെഡ് ലൈറ്റ് കത്തിക്കിടക്കുന്നതുകൊണ്ട് വണ്ടിയോടിക്കുന്നവര്‍ക്ക് എല്ലാം വ്യക്തമായി കാണാനുള്ള സാധ്യത വര്‍ദ്ധിക്കുകയും ചെയ്യും.
ഇതുസംബന്ധിച്ച് രാജീവ് കൃഷ്ണ അയ്യര്‍ ഫേസ്ബുക്കിലൂടെ പങ്കുവച്ച അവയര്‍‌നെസ് വീഡിയോയാണ് മുകളില്‍ നല്‍കിയിരിക്കുന്നത്. ഏപ്രില്‍ മുതല്‍ ഈ സംവിധാനം നിലവില്‍ വരുമെന്നതിനാല്‍ ഹോണ്ട വാഹനങ്ങള്‍ മുന്‍‌കൂട്ടി തന്നെ ഈ സിസ്റ്റമുള്ള ടൂവീലറുകള്‍ പുറത്തിറക്കിക്കഴിഞ്ഞു. അത്തരമൊരു വാഹനത്തിലിരുന്നാണ് രാജീവ് ബോധവത്കരണം നടത്തുന്നത്.
