ഫെഡറേഷനെ പഴിക്കുന്നതിൽ കാര്യമില്ല, മെഡൽ കൊണ്ടുവരേണ്ടത് താരങ്ങളുടെ ഉത്തരവാദിത്വം, പൊട്ടിത്തെറിച്ച് പ്രകാശ് പദുക്കോൺ
ഒളിമ്പിക്‌സില്‍ ഇന്ത്യന്‍ ബാഡ്മിന്റണ്‍ താരങ്ങള്‍ തീര്‍ത്തും നിരാശപ്പെടുത്തിയതോടെയാണ് താരങ്ങള്‍ക്കെതിരെ പ്രകാശ് പദുക്കോണ്‍ പൊട്ടിത്തെറിച്ചത്. 64ല്‍ മില്‍ഖാ സിംഗിനും 80കളില്‍ പി ടി ഉഷയ്ക്കും ശേഷം പലപ്പോഴും നാലാം സ്ഥാനങ്ങളിലാണ് ഇന്ത്യ ഫിനിഷ് ചെയ്തത്. ഇതിന്റെ ഉത്തരവാദിത്വം കളിക്കാര്‍ ഏറ്റെടുക്കേണ്ടത് അവശ്യമായി വന്നിരിക്കുകയാണ്. ചുരുങ്ങിയത് കഴിഞ്ഞ ഒളിമ്പിക്‌സിലും ഈ ഒളിമ്പിക്‌സിലും ഫെഡറേഷനെയും സര്‍ക്കാരിനെയും പഴിക്കുന്നതില്‍ കാര്യമില്ല. ആത്യന്തികമായി കളിക്കാരാണ് ഉത്തരവാദിത്വം വഹിക്കേണ്ടത്. കളിക്കാര്‍ വേണ്ടത്ര പരിശ്രമിച്ചോ എന്നതെല്ലാം അവര്‍ സ്വയം പരിശോധിക്കേണ്ടതുണ്ട്. പ്രകാശ് പദുക്കോണ്‍ പറഞ്ഞു.
