വീനസ് വില്യംസ് ഓസ്ട്രേലിയൻ ഓപ്പണ്‍ വനിതാ വിഭാഗം സിംഗിൾസ് ഫൈനലിൽ. യുഎസിന്റെ തന്നെ താരം കോകോ വാൻഡെവെഗെയെ ഒന്നിനെതിരെ രണ്ടു സെറ്റുകൾക്ക് തോല്‍പ്പിച്ചാണ് വീനസ് ഫൈനലില്‍ പ്രവേശിച്ചത്. സ്കോർ: 6-7, 6-2, 6-3.
പവർ ഗെയിമിന്റെ അമരക്കാരിയായ അമേരിക്കക്കാരി വാൻഡെവെഗെയ്ക്കെതിരെ മികച്ച പോരാട്ടമാണ് മുപ്പത്തിയാറുകാരിയായ വീനസ് നടത്തിയത്. ആദ്യസെറ്റ് ചെറിയ വ്യത്യാസത്തിൽ നഷ്ടമായെങ്കിലും രണ്ടും മൂന്നും സെറ്റുകളിൽ തകര്‍പ്പന്‍ തിരിച്ചടികളിലൂടെ വീനസ്, അനായാസം ജയം സ്വന്തമാക്കുകയായിരുന്നു.
