നീണ്ട ഇടവേളയ്ക്ക് ശേഷം ചൈന സൂപ്പർ സീരീസ് ബാഡ്മിന്റനില്‍ മൽസരിക്കാനെത്തിയ ഇന്ത്യൻ താരം സൈന നെഹ്‌വാളിന് ആദ്യ റൗണ്ടിൽ തന്നെ തോൽവി. നാലാം സീഡായ സൈനയെ തായ്‌ലൻഡ് താരം പോൺടിപ്(16–21, 21–19, 14–21)ആണ് തോല്‍പ്പിച്ചത്
അതേ സമയം പി വി സിന്ധുവും അജയ് ജയറാമും പ്രണോയിയും രണ്ടാം റൗണ്ടിലേക്കു പ്രവേശിച്ചു. ചൈനീസ് തായ്പേയിയുടെ ചിയ സിൻ ലീയെ 21–12, 21–16നാണ് ഏഴാം സീഡായ സിന്ധു തോല്‍പ്പിച്ചത്. പുരുഷ സിംഗിൾസിൽ അജയ് ജയറാം ചൈനയുടെ സു സിയുവാനെയും പ്രണോയ് ഹോങ്കോങ് താരം കാ ലോങ് ആൻഗസിനെയുമാണ് പരാജയപ്പെടുത്തിയത്.
