ലോക ചാമ്പ്യനെ അട്ടിമറിച്ച് ഇന്ത്യയുടെ പി കശ്യപ് ചരിത്രമെഴുതി

ലോക ഒന്നാം നമ്പറും നിലവിലെ ലോക ചാമ്പ്യനുമായ ചൈനയുടെ ചെന്‍ ലോങ്ങിനെ അട്ടിമറിച്ച് ഇന്ത്യയുടെ പി.കശ്യപ് ഇന്‍ഡൊനീഷ്യന്‍ ഓപ്പണ്‍ സൂപ്പര്‍ സീരീസ് ബാഡ്മിന്റണ്‍ ടൂര്‍ണമെന്റിന്റെ സെമിയില്‍ പ്രവേശിച്ചു. ലോക റാങ്കിങ്ങില്‍ പന്ത്രണ്ടാം സ്ഥാനത്താണ് കശ്യപ്.

ആദ്യ ഗെയിം നഷ്ടപ്പെട്ടശേഷമാണ് കശ്യപ് തുടര്‍ന്നുള്ള രണ്ട് ഗെയിമും സ്വന്തമാക്കി ചൈനീസ് താരത്തെ അട്ടിമറിച്ചത്. സ്‌കോര്‍: 14-21, 21-17, 21-14. ചെന്‍ ലോങ്ങിനെതിരെ കശ്യപ് നേടുന്ന രണ്ടാം ജയമാണിത്.