D Gukesh,Chess Candidate,FIDE
വിശ്വനാഥന്‍ ആനന്ദിന് ശേഷം പ്രജ്ഞാനന്ദ എന്ന തമിഴ് ചെസ് ചാമ്പ്യനെയാകും ഇന്ത്യന്‍ മീഡിയ കാര്യമായി ആഘോഷിച്ചിട്ടുണ്ടാവുക. ചെസിലെ ജീനിയസ് എന്നറിയപ്പെടുന്ന മാഗ്‌നസ് കാള്‍സനെ തോല്‍പ്പിച്ചത് മുതല്‍ പ്രജ്ഞാനന്ദയ്ക്ക് വലിയ സ്വീകാര്യതയാണ് ഇന്ത്യയിലുള്ളത്. എന്നാല്‍ പ്രജ്ഞാനന്ദയ്ക്ക് തൊട്ടുപിന്നില്‍ നിന്നിട്ടും ഡി ഗുകേഷ് എന്ന 17കാരനെ കാര്യമായി ആരും അറിഞ്ഞിരുന്നില്ല.എന്നാല്‍ ലോകചാമ്പ്യന്‍ഷിപ്പില്‍ നിലവിലെ ചാമ്പ്യനായ ഡിങ് ലിറനെ നേരിടാനുള്ള മത്സരാഥിയെ തിരെഞ്ഞെടുക്കാനുള്ള കാന്‍ഡിഡേറ്റ്‌സ് ചെസ് ടൂര്‍ണമെന്റ് വിജയിച്ചുകൊണ്ട് താനാരാണെന്ന് പ്രഖ്യാപിച്ചിരിക്കുകയാണ് ഗുകേഷ്.
