ലക്ഷ്യം പിഴയ്‌ക്കാതെ ദീപിക, അമേരിക്കൻ താരത്തെ പരാജയപ്പെടുത്തി പ്രീ ക്വാർട്ടർ ബെർത്ത്

ടോക്കിയോ ഒളിമ്പിക്‌സ് അമ്പെയ്‌ത്തിൽ മിന്നുന്ന വിജയവുമായി പ്രീ ക്വാർട്ടറിലേക്ക് യോഗ്യത നേടി ഇന്ത്യയുടെ ദീപിക കുമാരി. അമേരിക്കയുടെ ജെന്നിഫര്‍ മ്യുസിനോ ഫെര്‍ണാണ്ടസിനെയാണ് ദീപിക പരാജയപ്പെടുത്തിയത്.

ആവേശകരമായ മത്സരത്തിൽ ആദ്യ സെറ്റ് കൈവിട്ടശേഷമായിരുന്നു ദീപികയുടെ ഗംഭീര തിരിച്ചുവരവ്. ആദ്യ സെറ്റില്‍ 26-25നായിരുന്നു അമേരിക്കന്‍ താരത്തിന്റെ വിജയം. എന്നാൽ രണ്ടാം സെറ്റ് 28-25ന് ഇന്ത്യൻ താരം കൈപ്പിടിയിലാക്കി മത്സരത്തിലേക്ക് തിരിച്ചെത്തുകയായിരുന്നു. ആവേശകരമായ മത്സരത്തിനൊടുവിൽ   6-4നായിരുന്നു ഇന്ത്യന്‍ താരത്തിന്റെ വിജയം. അമ്പെയ്‌ത്തിൽ പ്രവീണ്‍ യാദവും തരുണ്‍ദീപ് റായിയും പുറത്തായതോടെ ഇന്ത്യയുടെ അവസാന മെഡൽ പ്രതീക്ഷയാണ് ദീപിക‌കുമാരി.