നൊവാക് ജോക്കോവിക് സെര്ബിയ ഓപ്പണിന്റെ സെമി ഫൈനലില്‍ പ്രവേശിച്ചു. ബ്ലാസ് കാവ്സിസിനെ പരാജയപ്പെടുത്തിയാണ് ജോക്കോവിക് സെമിയില്‍ പ്രവേശിച്ചത്.
കാവ്സിസിനെ 6-3 6-2 എന്നീ സെറ്റുകള്‍ക്കാണ് ജോക്കോവിക് പരാജയപ്പെടുത്തിയത്. ശനിയാഴ്ച നടക്കുന്ന സെമിയില്‍ ജാങ്കോ ടിപ്സറേവികിനെയാണ് ജോക്കോവിക് നേരിടുക.
ജാങ്കോയുമായുള്ള പോരാട്ടത്തിന് കാത്തിരിക്കുകയാണെന്ന് ജോക്കോവിക് പറഞ്ഞു. സമ്മര്‍ദ്ദം കളിയുടെ ഭാഗമാണെന്നും പ്രത്യേകിച്ച് സ്വന്തം ആരാധകരുടെ മുന്നിലാകുമ്പോള്‍ അത് കൂടുമെന്നും ജോക്കോവിക് പറഞ്ഞു.
