ലോക ഒന്നാം നമ്പര്‍ താരം റോജര്‍ ഫെഡറര്‍ ഷാങ്ഹായ് ഓപ്പണില്‍ നിന്നും പുറത്ത്. മൂന്നാം റൗണ്ടില്‍ ഫ്രഞ്ച് താരം ഗൈല്‍ മോന്‍ഫില്‍സിനോടാണ് റോജര്‍ ഫെഡറര്‍ ദയനീയമായി പരാജയപ്പെട്ടത്. സ്‌കോര്‍: 6-4, 6-7 (5-7), 6-3.
ആദ്യ റൗണ്ട് എളുപ്പത്തില്‍ ഫെഡറര്‍ കൈവിട്ടു. രണ്ടാം റൗണ്ടില്‍ മികച്ച കളി കാഴ്ച്ചവെച്ച് സെറ്റ് പിടിച്ചെടുത്തു. എന്നാല്‍ മൂന്നാം സെറ്റില്‍ ശക്തമായി തിരിച്ചുവന്ന ഫ്രഞ്ച് താരം ഫെഡററെ പരാജയപ്പെടുത്തുകയായിരുന്നു.
നേരത്തേ തുടര്‍ച്ചയായ പരാജയത്തെ തുടര്‍ന്ന് ലോക റാങ്കിങ്ങില്‍ ഏഴാം സ്ഥാനത്തേക്ക് ഫെഡറര്‍ കൂപ്പുകുത്തിയിരുന്നു. കരിയറില്‍ 17 ഗ്രാംസ്ലാം കിരീടം ഫെഡറര്‍ നേടിയിട്ടുണ്ട്. ആദ്യ മൂന്ന് സീഡുകളായ റാഫേല്‍ നഡാല്‍, നൊവാക്ക് ദ്യോക്കോവിച്ച്, ഡേവിഡ് ഫെറര്‍ എന്നിവര്‍ ഷാങ്ഹായ് ഓപ്പണിന്റെ ക്വാര്‍ട്ടറില്‍ കടന്നു.
