ബാഴ്‌സലോണയുടെ സൂപ്പര്‍ സ്‌ട്രൈക്കര്‍ മെസ്സിയുടെ കാലുകളില്‍ നിന്നും ഉതിര്‍ന്ന 4 ഷോട്ടുകള്‍ ഗോള്‍ വല ചലിപ്പിച്ചപ്പോള്‍ സ്പാനിഷ് ലീഗില്‍ വലന്‍സിയക്കെതിരെ ബാഴ്‌സലോണയ്ക്ക് തകര്‍പ്പന്‍ ജയം. 5-1 എന്ന് സ്കോറിനാണ് വലന്‍സിയയെ ബാഴ്‌സ പട തകര്‍ത്തത്. ബാഴ്‌സയ്ക്ക് വേണ്ടി കളം നിറഞ്ഞ് കളിച്ച മെസ്സി ഈ നാല് ഗോള്‍ നേട്ടത്തോടെ വിജയിച്ച ബാഴ്‌സ ലീഗിന്റെ പോയിന്റ് നിലയില്‍ റയല്‍ മാഡ്രിഡിന്റെ തൊട്ടു പിറകിലെത്തി.
മത്സരം തുടങ്ങി ഒമ്പതാം മിനിറ്റില്‍ വലന്‍സിയയുടെ പാബ്ലൊ പിയാറ്റയുടെ ഗോളിലൂടെ വലന്‍സിയ ലീഡ് നേടിയെങ്കിലും. ഹാട്രിക് ഗോളോടു കൂടി മെസ്സി വലന്‍സിയയെ ഞെട്ടിക്കുകയായിരുന്നു. മെസ്സിയുടെ 4 ഗോളിന് പുറമേ സാവിയുടെ ബൂട്ടില്‍ നിന്നും പിറന്ന ബാഴ്സയുടെ അഞ്ചാം ഗോള്‍ വലന്‍സിയയുടെ പരാജയം പൂര്‍ണമാക്കി.