ലോക ടെന്നീസിലെ മുമ്പന്‍‌മാരായ റോജര്‍ ഫെഡറര്‍, റാഫേല്‍ നദാല്‍, ആന്‍‌ഡി റോഡിക്ക് തുടങ്ങിയവര്‍ ഓസ്ട്രേലിയന്‍ ഓപ്പണ്‍ ടെന്നീസിന്‍റെ മൂന്നാം റൌണ്ടിലേക്ക് കടന്നു. രണ്ടാം റൌണ്ടില്‍ ഓസ്ട്രേലിയന്‍ ഓപ്പണിലെ മുന്‍ ഡബിള്‍സ് ചാമ്പ്യന്‍ ഫാബ്രിസ് സന്തോറോയെയാണ് മറികടന്നത്.
ജയം തുടര്‍ച്ചയായി പതിനാറ് മത്സരത്തിലേക്കു നീട്ടാന്‍ ഫെഡററെ തുണച്ചത് 6-1, 6-2, 6-0 എന്ന സ്‌കോറായിരുന്നു. രണ്ടാം നമ്പര്‍ സ്പാനിഷ് താരം റാഫേല്‍ നദാലിന്‍റെ ജയം ഫ്രഞ്ച് താരം ഫ്ലോറന്‍റ് സെറയ്‌ക്കെതിരെയായിരുന്നു.
മെല്‍ബണ്‍ പാര്‍ക്കില്‍ ചൊവ്വാഴ്ച നടന്ന മത്സരത്തില്‍ നദാല്‍ 6-0, 6-2, 6-2 എന്ന സ്കോറിനായിരുന്നു എതിരാളിയെ കീഴടക്കിയത്. മൂന്നാം സീഡ് നോവാക്ക് ജോക്കോവിക്കിന്‍റെ ജയം സൈമണ്‍ ബൊലേലിക്കെതിരെയാണ്.
6-1, 6-2, 6-3 എന്നതായിരുന്നു സ്കോര്‍. അമേരിക്കന്‍ ഹാരം ആന്‍‌ഡി റോഡിക് ജര്‍മ്മന്‍ താരം മൈക്കല്‍ ബെററെ മറികടന്നത് 6-2, 6-2, 6-4 നായിരുന്നു. റിച്ചാര്‍ഡ് ഗാസ്ഗേ, തോമാസ് ബെര്‍ഡിക്, യുവാന്‍ കാര്‍ലോസ് ഫെരേരോ, യുവാന്‍ മൊണാക്കോ തുടങ്ങിയവരാണ് രണ്ടാം റൌണ്ടില്‍ എത്തിയ മറ്റു പ്രമുഖര്‍.
