പോള്‍വാട്ട് ഇതിഹാസം യെലെന ഇസിന്‍ബയേവ വിടവാങ്ങുന്നു. ലോക അത്‌ലറ്റിക് ചാമ്പ്യന്‍ ഷിപ്പിന് ശേഷം നമ്മുക്ക് ഇനി ഇസിന്‍ബയേവയുടെ ഉയരങ്ങളിലേക്ക് പറക്കുന്ന പ്രകടനം കാണാന്‍ സാധിക്കില്ല. ഒന്നും രണ്ടും തവണയല്ല 28 തവണ പോള്‍വാട്ടിലെ റെക്കാര്‍ഡ് തിരുത്തിയെഴുത്തിയാണ് നമ്മളെ വിസ്മയിപ്പിച്ച ഇസിന്‍ബയേവ വിടവാങ്ങുന്നത് ഏവരെയും നിരാശപ്പെടുത്തുന്ന വാര്‍ത്ത തന്നെയാണ്. സ്വന്തം റിക്കോര്‍ഡുകള്‍ തന്നെ തിരുത്തിയെഴുത്തി മടുത്തിട്ടായിരിക്കും ഇസിന്‍ബയേവ വിടവാങ്ങുന്നതെന്ന് നമ്മുക്ക് വെറുതെ പറയാം. ഏതായാലും ഒരു കാര്യം സത്യമായിരുന്നു ഒരു ദശാബ്ദം നീണ്ട ഇസിന്‍ബയേവയുടെ കരിയറില്‍ വെല്ലുവിളിയുര്‍ത്താന്‍ ശേഷിയുള്ള ഒരു വനിതാ താരവും പോള്‍വാട്ടില്‍ ഉണ്ടായിരുന്നില്ലയെന്നത്. ഇസിന്‍ബയേവ വെല്ലുവിളിയുര്‍ത്തിയ ഒരെഒരു കാര്യം പരുക്ക് മാത്രമായിരുന്നു.
അടുത്ത പേജ്: റഷ്യയുടെ സ്വര്‍ണപറവ
PRO
PRO
പുരുഷ പോള്‍വാട്ടിലെ ഇതിഹാസമായ സെര്‍ജി ബുബ്കയുടെ പെണ്‍പതിപ്പെന്നാണ് റഷ്യയുടെ ഈ സ്വര്‍ണപറവയെ പലരും വിശേഷിപ്പിക്കുന്നത്. കഴിഞ്ഞ ദിവസം നടന്ന റഷ്യന്‍ ട്രാക്ക് ആന്‍ഡ് ഫീല്‍ഡ് ചാമ്പ്യന്‍ഷിപ്പിന് 4.75 മീറ്റര്‍ ചാടി സ്വര്‍ണം നേടി ദേശീയ ചാമ്പ്യനായതിന് പിന്നാലെയാണ് ഇസിന്‍ബയേവ താന്‍ വിടവാങ്ങുന്ന കാര്യം അറിയിച്ചത്. വിരമിക്കല്‍ പ്രഖ്യാപനത്തില്‍ ഇസിന്‍ബയേവ പറഞ്ഞത് “എന്റെ രാജ്യത്ത് വിരുന്നുവരുന്ന ലോക അത്‌ലറ്റിക്സ് ചാമ്പ്യന്‍ഷിപ്പിന് വിരമിക്കാന്‍ സാധിക്കുകയെന്നത് എന്നത് ഏറെ ഗൃഹാതുരത്വം ഉണര്‍ത്തുന്നത്താണ്. ലോക ചാമ്പ്യന്‍ഷിപ്പ് അരങ്ങേറുന്ന ലൂഷിന്‍കി സ്റ്റേഡിയത്തിലാണ് ഞാന്‍ ആദ്യമായി പോള്‍വാട്ടില്‍ ഒരു മെഡല്‍ നേടുന്നത്. ഞാന്‍ കരിയര്‍ തുടങ്ങിയ വേദിയില്‍ തന്നെ അവസാനിപ്പിക്കാന്‍ കഴിയുക എന്നത് ഏറ്റവും സന്തോഷം നല്‍കുന്നതും അപൂര്‍വ ഭാഗ്യവുമാണ്”.
അടുത്ത പേജ്: റിക്കോര്‍ഡുകളുടെ തോഴി
PRO
PRO
2004ലെ ഏതന്‍സ് ഒളിമ്പിക്സിലും 2008ലെ ബെയ്ജിംഗ് ഒളിമ്പിക്സിലും സ്വര്‍ണം നേടിയിരുന്ന ഇസിന് 2012 ലണ്ടന്‍ ഒളിമ്പിക്സില്‍ വെങ്കലമേ ലഭിച്ചിരുന്നുള്ളൂ. 2005ല്‍ ഹെല്‍സിങ്കിയിലും 2007ല്‍ ഒസാക്കയിലും നടന്ന ലോക ചാമ്പ്യന്‍ഷിപ്പുകളിലും ഇസിനായിരുന്നു ചാമ്പ്യന്‍. 2011ലെ ലോക ചാമ്പ്യന്‍ഷിപ്പില്‍ ഇസിന് മെഡലുകളൊന്നും നേടാനായില്ല. ഒന്‍പത് തവണ ലോകത്തെ പ്രധാന ചാമ്പ്യന്‍ഷിപ്പുകളിലെ എതിരില്ലാത്ത ചാമ്പ്യനായിരുന്നു ഇസിന്. ഇന്റ്‌ര്‍ നാഷണല്‍ അസോസിയേഷന്‍ ഒഫ് അത്‌ലറ്റിക് ഫെഡറേഷന്റെ 2007ലെയും 2009ലെയും ഗോള്‍ഡന്‍ ലീഗ് സീരീസുകളിലായി ജാക്പോട്ട് വിന്നറും ഇസിനായിരുന്നു. വനിതാ പോള്‍വാട്ടിള്‍ അഞ്ച് മീറ്റര്‍ ഉയരം താണ്ടിയ ആദ്യ വനിതയെന്ന റെക്കാഡ് 2004, 2005, 2008 വര്‍ഷങ്ങളിലെ ഇന്റ്‌ര്‍നാഷണല്‍ അത്‌ലറ്റിക് ഫെഡറേഷന്റെ മികച്ച വനിതാതാരം 2007, 2009 വര്‍ഷങ്ങളിലെ മികച്ച വനിതാ താരത്തിനുള്ള ലോറസ് സ്പോര്‍ട്സ് അവാര്‍ഡ് 2009ലെ ഫ്രാന്‍സ് ഒഫ് ആസ്ട്രിയാസ് അവാര്‍ഡ് തുടങ്ങി ഇസിന് ലഭിച്ച പുരസ്കാരങ്ങളും റിക്കോര്‍ഡുകളും എണ്ണിയാല്‍ ഒടുങ്ങാത്തതാണ്. കൂടാതെ ജൂനിയര്‍, യൂത്ത്, സീനിയര്‍ എന്നിങ്ങനെ മൂന്ന് ഘട്ടങ്ങളിലും ലോക അത്‌ലറ്റിക് ചാമ്പ്യന്‍ഷിപ്പില്‍ സ്വര്‍ണം നേടാന്‍ കഴിഞ്ഞിട്ടുള്ള എട്ട് താരങ്ങളില്‍ ഒരാളാണ് ഇസിന്‍ബയേവ.
1982 ജൂണ്‍ 3-ന് റഷ്യയിലെ വോള്‍ഗോര്‍ഡിലായിരുന്നു യെലെന ഇസിന്‍ബയേവയുടെ ജനനം.
ലോക ചാമ്പ്യന്‍ഷിപ്പ് ഫൈനലുകള്‍ 2003, 2005, 2007 (ഔട്ട് ഡോര്‍) 2003, 2004, 2006, 2008 (ഇന്‍ഡോര്‍). ഒളിമ്പിക്സ് ഫൈനലുകള്‍ : 2004,2008. പേഴ്സണള്‍ ബെസ്റ്റ് : 5.06 മീറ്റര്‍ (ലോക റെക്കാഡ്) ഔട്ട് ഡോര്‍ ബെസ്റ്റ് : 5.01 (യൂറോപ്യന്‍ റെക്കാഡ്, ഇന്‍ഡോര്‍)
