ഓസ്‌ട്രേലിയന്‍ ഓപ്പണ്‍ കിരീടം സൈന നെഹ്‌വാളിന്

ഓസ്‌ട്രേലിയന്‍ ഓപ്പണ്‍ ബാഡ്മിന്റണ്‍ കിരീടം ഇന്ത്യയുടെ സൈന നെഹ്‌വാളിന്. ഫൈനലില്‍ ചൈനയുടെ സണ്‍ യുവിനെ കീഴടക്കിയാണ് സൈന കിരീടം നേടിയത്. ഒന്നിനെതിരെ രണ്ട് ഗെയിമുകള്‍ക്കായിരുന്നു സൈനയുടെ വിജയം. സ്‌കോര്‍ 11-21, 21-14, 21-19. സൈനയുടെ രണ്ടാം ഓസ്‌ട്രേലിയന്‍ ഓപ്പണ്‍ കിരീടമാണിത്.

ആദ്യ ഗെയിം നഷ്ടപ്പെട്ടതിന് ശേഷമായിരുന്നു സൈനയുടെ വിജയം. രണ്ടാം ഗെയിം സൈന 21-14 ന് നേടി തിരിച്ചടിച്ചു. കടുത്ത പോരാട്ടമായിരുന്നു മൂന്നാം ഗെയിമില്‍ കണ്ടത്. ഒടുവില്‍ 21-19 ന് ഗെയിമും കിരീടവും സൈന സ്വന്തമാക്കി.

2014ലും ഓസ്‌ട്രേലിയന്‍ ഓപ്പണ്‍ ബാഡ്മിന്റണ്‍ കിരീടം സൈന നേടിയിരുന്നു. ഇതുവരെ ആറ് തവണ സണ്‍ യുവുമായി മത്സരിച്ചതില്‍ അഞ്ചിലും വിജയം സൈനയുടേതായിരുന്നു.