ഭീകരവാദികള്‍ക്ക് എതിരെ ശക്തമായ നടപടികള്‍ പാകിസ്ഥാന്‍ സ്വീകരിക്കണമെന്ന് ആവര്‍ത്തിച്ച് അമേരിക്ക. യു എസ് വിദേശകാര്യവക്താവ് ജോണ്‍ കിര്‍ബിയാണ് ഇക്കാര്യം വ്യക്തമാക്കിയത്. ലഷ്‌കറെ ത്വയ്ബ, ജെയ്‌ഷെ മുഹമ്മദ് പോലുള്ള ഭീകവാദ ഗ്രൂപ്പുകള്‍ക്ക് എതിരെ നടപടിയെടുക്കുന്നതിനെയും അമേരിക്ക അനുകൂലിക്കുന്നുവെന്ന് കിര്‍ബി പ്രതികരിച്ചു.
യു എസ് വിദേശകാര്യ സെക്രട്ടറി ജോണ്‍ കെറി, ഉറി ആക്രമണത്തിന് ശേഷം, ഇന്ത്യന്‍ വിദേശ കാര്യമന്ത്രി സുഷമ സ്വരാജുമായി ഫോണില്‍ സംസാരിച്ചിരുന്നു. ആക്രമണത്തില്‍ അമേരിക്കയുടെ നടുക്കം രേഖപ്പെടുത്തിയിരുന്നെന്നും അദ്ദേഹം അറിയിച്ചു.
