പാകിസ്ഥാന്‍ ക്രിക്കറ്റ് താരവുമായ ഷൊയബ്‌ മാലികിന്റെ ഭാര്യയും ഇന്ത്യന്‍ ടെന്നീസ്‌ താരവുമായ സാനിയാ മിര്‍സ
അടുത്തു തന്നെ അമ്മയാകുമെന്ന് വാര്‍ത്തകള്‍. അതേസമയം എല്ലാ ഊഹാപോഹങ്ങളെയും അസംബന്ധം എന്നാണ് സാനിയ പ്രതികരിച്ചത്. അതേസമയം താരം ഗര്‍ഭിണിയാണെന്നായിരുന്നു ഒരു മാധ്യമം റിപ്പോര്‍ട്ട് ചെയ്‌തത്.
ഈ വര്‍ഷം വനിതാ ഡബിള്‍സില്‍ താരം ഒന്നാം റാങ്കില്‍ എത്തിയ സാനിയയെ അഭിനന്ദിച്ചുകൊണ്ട്‌ ഷൊയബ്‌ മാലിക്‌ നടത്തിയിട്ടുള്ള ട്വീറ്റാണ്‌ എല്ലാ ഊഹാപോഹങ്ങള്‍ക്കും കാരണമായത്. എന്നാണ് മാതാപിതാക്കളാകുന്നതെന്ന ചോദ്യത്തിന്‌ ജൂനിയര്‍ മാലിക്‌ ഉടനെന്നായിരുന്നു ഷൊയബിന്റെ മറുപടി. ഇതോടെ സാനിയ ഗര്‍ഭിണിയാണെന്ന വാര്‍ത്തകള്‍ മാധ്യമങ്ങളില്‍ പ്രചരിക്കുകയായിരുന്നു. എല്ലാ ഊഹാപോഹങ്ങളെയും അസംബന്ധം എന്ന് സാനിയ പറഞ്ഞപ്പോള്‍ കുടുംബം ഈ കാര്യത്തില്‍ ഇതുവരെ പ്രതികരിച്ചിട്ടില്ല.
ഞായറാഴ്‌ച അമേരിക്കയില്‍ ഫാമിലി കപ്പ്‌ ഉയര്‍ത്തിയതോടെയാണ്‌ സാനിയ-ഹിംഗിസ്‌ സഖ്യം വനിതാ ഡബിള്‍സില്‍ താരം ഒന്നാം റാങ്കില്‍ എത്തിയത്.