മുസ്ലിം സമൂഹത്തെ തെറ്റിദ്ധരിപ്പിച്ചിരിക്കുകയാണെന്നും രജനികാന്ത് പറയുന്നു. പൗരത്വ പ്രക്ഷോഭത്തിന് മുന്‍നിരയിലുള്ള വിദ്യാര്‍ത്ഥി സമൂഹത്തെയും രജനികാന്ത് വിമര്‍ശിക്കുന്നു. പ്രക്ഷോഭത്തിന് ഇറങ്ങുംമുമ്പ് വിദ്യാര്‍ത്ഥികള്‍ ചിന്തിക്കണമെന്നും രജനികാന്ത്. അധ്യാപകരെയും മുതിര്‍ന്നവരെയും ഇക്കാര്യത്തില്‍ കേള്‍ക്കാന്‍ വിദ്യാര്‍ത്ഥികള്‍ തയ്യാറാകണം. ഒരു ചെറിയ എഫ് ഐ ആറിന് നിങ്ങളുടെ ജീവിതം ഇല്ലാതാക്കാന്‍ കഴിയുമെന്നും രജനികാന്തിന്റെ മുന്നറിയിപ്പ്.
രജനീകാന്തിന്റെ വാക്കുകൾ ഇങ്ങനെ:-
ഇന്ത്യന്‍ ജനതയ്ക്ക് യാതൊരു വിധ പ്രശ്‌നവും വരുന്നതല്ല പൗരത്വ നിയമം. മറ്റ് നാടുകളില്‍ നിന്ന്, അതായത് അയല്‍നാടുകളില്‍ നിന്ന് ഇങ്ങോട്ട് വന്നവര്‍ക്ക് പൗരത്വം കൊടുക്കുന്നതുമായി ബന്ധപ്പെട്ടാണ് ഈ നിയമം. വിഭജന കാലത്ത് പാക്കിസ്ഥാന്‍ അല്ല ഇന്ത്യയാണ് ഞങ്ങള്‍ പിറന്ന നാട് എന്ന്, മരിക്കുന്നെങ്കില്‍ ഇവിടെ മരിക്കണം എന്ന് കരുതി ജന്മഭൂമി ഇതെന്ന് പറഞ്ഞവരാണ് ഇന്ത്യയിലുള്ള മുസ്ലിങ്ങള്‍. അങ്ങനെയുള്ളവരെ എങ്ങനെയാണ് ഈ രാജ്യത്തില്‍ നിന്ന് പുറത്താക്കുക. അങ്ങനെ ഒരു വിഷയം ഉണ്ടായാല്‍ അവര്‍ക്ക് വേണ്ടി ആദ്യം ഈ രജിനികാന്ത് ഇറങ്ങും.
