പബ്ജി കളിച്ചതിനു മാതാപിതാക്കള്‍ ശകാരിച്ചതില്‍ മനംനൊന്ത് പത്താം ക്ലാസ് വിദ്യാര്‍ഥി ജീവനൊടുക്കി. ഹൈദരാബാദിലെ മല്‍ക്കാജ്ഗിരി സ്വദേശിയായ കെ സാംബശിവയാണ് (16) തൂങ്ങിമരിച്ചത്. സംഭവത്തില്‍ പൊലീസ് അന്വേഷണം ആരംഭിച്ചു.
തിങ്കളാഴ്‌ചയാണ് വിദ്യാര്‍ഥി ജീവനൊടുക്കിയത്. പത്താം ക്ലാസ് പരീക്ഷ നടക്കാനിരിക്കെ സാംബശിവ ഫോണില്‍ പബ്ജി കളിക്കുന്നത് മാതാപിതാക്കള്‍ക്ക് ഇഷ്‌ടപ്പെട്ടില്ല. ഉറക്കമില്ലാതെ രാത്രിയും ഗെയിം കളി തുടര്‍ന്നതോടെ മാതാവ് ഉമാദേവി മകനെ വഴക്ക് പറഞ്ഞു.
ദേഷ്യത്തില്‍ കിടപ്പുമുറിയില്‍ കയറി സാംബശിവ കതക് കുറ്റിയിട്ടു. ഏറെ നേരം കഴിഞ്ഞിട്ടും മുറി തുറക്കാതെ വന്നതോടെ മാതാപിതാക്കള്‍ കതക് പൊളിച്ച് അകത്തു കടന്നപ്പോഴാണു ടൗവ്വല്‍ ഉപയോഗിച്ചു ഫാനില്‍ തൂങ്ങിയ നിലയില്‍ സാംബശിവയെ കണ്ടത്.
വിവരമറിഞ്ഞ പൊലീസ് വീട്ടില്‍ എത്തി പരിശോധന നടത്തി. കുട്ടിയുടെ പിതാവ് നല്‍കിയ മൊഴിയുടെ അടിസ്ഥാനത്തിലാണ് മരണവിവരം പുറത്തായത്.