ധ്യാനത്തിനാണോ ഫോട്ടോഷൂട്ടിനാണോ മോദി പോയിരിക്കുന്നത് എന്നാണ് ട്രോളന്‍മാര്‍ ചോദിക്കുന്നത്. ഒറ്റയ്ക്കു ധ്യാനിക്കാന്‍ പോകുമ്പോള്‍ ക്യാമറമാന്‍മാരേയും കൂട്ടി പോകുന്ന മോദിയുടെ ലക്ഷ്യം വെറും പബ്ലിസിറ്റി മാത്രമാണെന്ന് ചിലര്‍ പരിഹസിച്ചിരിക്കുന്നു. തുടര്‍ച്ചയായി മണിക്കൂറുകള്‍ ധ്യാനിക്കുമെന്ന് പറഞ്ഞിട്ട് വിവിധ പോസുകളില്‍ ഉള്ള ചിത്രങ്ങള്‍ പകര്‍ത്തി അവ സോഷ്യല്‍ മീഡിയയില്‍ പങ്കുവയ്ക്കുന്ന തിരക്കിലാണ് മോദിയെന്നും ട്രോളുകള്‍ ഉണ്ട്.
ബിജെപിയുടെ ഔദ്യോഗിക ഫെയ്‌സ്ബുക്ക് പേജില്‍ 11,000 ത്തില്‍ അധികം 'ഹ ഹ' റിയാക്ഷനുകളാണ് മോദിയുടെ ധ്യാന ചിത്രങ്ങള്‍ക്കു ലഭിച്ചിരിക്കുന്നത്. ലൗ റിയാക്ഷനുകള്‍ നാലായിരത്തില്‍ താഴെ മാത്രം. വിവേകാനന്ദ പാറയില്‍ നിന്നുള്ള മോദിയുടെ വീഡിയോയ്ക്കും 'ഹ ഹ' റിയാക്ഷനുകള്‍ തന്നെയാണ് കൂടുതല്‍. മോദിയുടെ ധ്യാന ചിത്രങ്ങള്‍ ഇതിനോടകം സോഷ്യല്‍ മീഡിയയില്‍ ട്രോള്‍ മീമുകളായി പുറത്തുവന്നിട്ടുണ്ട്.
