ഞായറാഴ്ച നടന്ന ഹൈക്കോടതി അസിസ്റ്റന്റ് പരീക്ഷയുടെ ചോദ്യപേപ്പര്‍ കിട്ടിയപ്പോള്‍ പരീക്ഷാര്‍ത്ഥികള്‍ ഒന്നു ഞെട്ടി. പ്രധാനമന്ത്രി നരേന്ദ്ര മോഡി സന്ദര്‍ശിക്കാത്ത രാജ്യമേത് എന്നായിരുന്നു അതില്‍ ഒരു ചോദ്യം. ചോദ്യപേപ്പറിലെ ആറാമത്തെ ചോദ്യമായിരുന്നു ഇത്. യു എസ് എ, ഓസ്ട്രേലിയ, ബ്രിട്ടന്‍, ദക്ഷിണ കൊറിയ എന്നീ നാല് രാജ്യങ്ങളുടെ പേരായിരുന്നു ഉത്തരമായി നല്കിയത്.
അതേസമയം, ചോദ്യത്തിനെ അനുകൂലിച്ചും പ്രതികൂലിച്ചും നിരവധി നിലപാടുകളാണ് ഉയരുന്നത്. പ്രധാനമന്ത്രിയുടെ വിദേശയാത്രകളെ പരോക്ഷമായി പരിഹസിക്കുന്നതാണ് ഇതെന്നാണ് ചോദ്യത്തെ എതിര്‍ക്കുന്നവരുടെ വാദം. അതേസമയം, ചോദ്യം പൊതുവിജ്ഞാനത്തിന്റെ ഭാഗം മാത്രമാണെന്നാണ് മറുഭാഗത്തിന്റെ വാദം.
