മൊബൈല്‍ ഫോണ്‍ നമ്പര്‍ മാറാതെ ടെലികോം സേവനദാതാവിനെ മാറ്റാന്‍ ഉപയോക്താവിന് അവസരം നല്‍കുന്ന മൊബൈല്‍ നമ്പര്‍ പോര്‍ട്ടബിലിറ്റി സൌകര്യം അടുത്ത മേയ് മൂന്നിനകം രാജ്യവ്യാപകമാക്കണമെന്ന് കമ്പനികള്‍ക്കു സര്‍ക്കാര്‍ നിര്‍ദേശം നല്‍കി.
സംസ്ഥാനമോ ടെലികോം സര്‍ക്കിളോ വിട്ട് വേറൊരിടത്തേക്കു പോകുന്ന വരിക്കാര്‍ക്ക് നമ്പര്‍ മാറേണ്ടി വരില്ലെന്നതാണ് ഇതുകൊണ്ടുള്ള നേട്ടം. നിലവില്‍ പോര്‍ട്ടബിലിറ്റി സൌകര്യം അതത് ടെലികോം സര്‍ക്കിളുകളില്‍ മാത്രമേ സാധ്യമാകൂ. 2010-11 ല്‍ ആരംഭിച്ച ഇൌ സൌകര്യം ഇക്കഴിഞ്ഞ ഒാഗസ്റ്റ് വരെ 13 കോടി ആളുകള്‍ പ്രയോജനപ്പെടുത്തിയിട്ടുണ്ട്.