മാവോവാദി ഗ്രൂപ്പുകള്‍ തമ്മിലുണ്ടായ ഏറ്റുമുട്ടലില്‍ ഝാര്‍ഖണ്ഡില്‍ ത്രിതീയ പ്രസ്തുതി കമ്മിറ്റി (ടിപിസി) എന്ന സംഘടനയില്‍പ്പെട്ട 14 മാവോയിസ്റ്റുകള്‍ കൊല്ലപ്പെട്ടു. പലാമു ജില്ലയിലെ കൗരിയ ഗ്രാമത്തിലാണ് സംഭവം.
സിപിഐ മാവോയിസ്റ്റ് വിഭാഗങ്ങളുമായുണ്ടായ ഏറ്റുമുട്ടലിലാണ് ഇവര്‍ കൊല്ലപ്പെട്ടതെന്ന് പൊലീസ് പറഞ്ഞു. എന്നാല്‍ കൊല്ലപ്പെട്ടവരുടെ മൃതദേഹങ്ങള്‍ സംഭവസ്ഥലത്തു നിന്ന് മാവോയിസ്റ്റുകള്‍ തന്നെ നീക്കിയതായി പൊലീസ് പറഞ്ഞു.
സ്ഥലത്ത് ഇപ്പോള്‍ സ്ഥിതി ശാന്തമാണെന്നും പൊലീസ് പറഞ്ഞു. ഇതിനുമുമ്പും പലതവണ ടിപിസി പ്രവര്‍ത്തകര്‍ സംഘടനകളുമായി ഏറ്റുമുട്ടിയിട്ടുണ്ട്. കഴിഞ്ഞ വര്‍ഷമുണ്ടായ ഏറ്റുമുട്ടലില്‍ പത്ത് പേര് കൊല്ലപ്പെട്ടിരുന്നു.