കാര്‍ഷിക കടം എഴുതിത്തള്ളുക, ഉല്‍പാദന ചെലവിന്റെ ഒന്നര മടങ്ങ് ഏറ്റവും ചുരുങ്ങിയ താങ്ങുവില ആയി പ്രഖ്യാപിക്കുക തുടങ്ങിയവയാണ് ആവശ്യങ്ങള്‍. ആവശ്യങ്ങള്‍ ഉന്നയിച്ച് കിസാന്‍ സഭ 10 കോടി കര്‍ഷകരുടെ ഒപ്പ് ശേഖരിച്ച് പ്രധാനമന്ത്രിക്ക് അയക്കാനാണ് തീരുമാനിച്ചിരിക്കുന്നത്.
കര്‍ഷകരുടെ ഒപ്പുകള്‍ ശേഖരിച്ച ശേഷം ആഗസ്റ്റ് ഒമ്പതിന് ജില്ല കലക്ടര്‍മാര്‍ വഴി പ്രധാനമന്ത്രിക്ക് അയച്ചുകൊടുക്കുമെന്ന് ജനറല്‍ സെക്രട്ടറി ഹനന്‍ മൊല്ല വാര്‍ത്ത സമ്മേളനത്തില്‍ പറഞ്ഞു. കാര്‍ഷിക, ജനവിരുദ്ധ നയങ്ങള്‍ക്ക് എതിരെ കര്‍ഷകരുടെയും തൊഴിലാളികളുടെയും വന്‍ റാലി സെപ്റ്റംബറില്‍ ഡല്‍ഹിയില്‍ നടത്തും.
