പഴയ ജനതാദളിന്റെ ഭാഗമായിരുന്ന പാര്‍ട്ടികളുടെ ലയനം സംബന്ധിച്ച സുപ്രധാന യോഗം ഇന്ന് നടക്കും. മുലായം സിംഗിന്റെ വീട്ടിലാണ് നിര്‍ണായകമായ സമ്മേളനം നടക്കുന്നത്. വരാനിരിക്കുന്ന ബിഹാര്‍ നിയമസഭാ തെരഞ്ഞെടുപ്പ് മുന്നില്‍ കണ്ട് നടപ്പാക്കുന്ന ലയനം സംബന്ധിച്ച യോഗത്തില്‍ ലാലു പ്രസാദ് യാദവ്, നിതീഷ് കുമാര്‍, ശരദ് യാദവ്, ദേവ ഗൗഡ തുടങ്ങിയവര്‍ പങ്കെടുക്കും. പുതിയ പാര്‍ട്ടിയുടെ പേര്, ചിഹ്നം, പരിപാടി എന്നിവ തീരുമാനിക്കാനാണ് യോഗം ചേരുന്നത്.
