കുതിപ്പ് തുടർന്ന് ബിജെപി, കിതയ്ക്കുന്ന കോൺഗ്രസ്, രാഷ്ട്രീയ ബദലായി ആം ആദ്മിയുടെ ഉയിർപ്പ്: 2022ലെ ഇന്ത്യൻ രാഷ്ട്രീയം
7 സംസ്ഥാന നിയമസഭ തിരെഞ്ഞെടുപ്പുകളടക്കം ഒട്ടേറെ രാഷ്ട്രീയമായ സംഭവങ്ങൾ നടന്ന വർഷമാണ് 2022. പുതിയ പ്രസിഡൻ്റ്, വൈസ് പ്രസിഡൻ്റ് എന്നിവർ തിരെഞ്ഞെടുക്കപ്പെട്ടതും കഴിഞ്ഞ വർഷമാണ്. ബിജെപി സംസ്ഥാനങ്ങളിൽ തങ്ങളുടെ കുതിപ്പ് തുടർന്നപ്പോൾ കോൺഗ്രസിൻ്റെ കിതപ്പ് തന്നെയായിരുന്നു ഈ വർഷവും ദൃശ്യമായത്. അതേസമയം പലയിടങ്ങളിലും നേട്ടമുണ്ടാക്കാൻ ആം ആദ്മിയ്ക്കായി.
ഇതിനിടയിൽ കോൺഗ്രസ് പാർട്ടിക്കകത്ത് അധ്യക്ഷസ്ഥാനത്തിനായി തിരെഞ്ഞെടുപ്പും കഴിഞ്ഞ വർഷം സംഭവിച്ചു. ഹൈക്കമാൻഡിൻ്റെ പിന്തുണയുള്ള കോൺഗ്രസ് സ്ഥാനാർഥി മല്ലികാർജുൻ ഖാർഗെ അത്ഭുതങ്ങൾക്ക് ഇടം കൊടുക്കാതെ ആയാസകരമായി വിജയിച്ചു. ബിജെപി ഭരണത്തിനെതിരെയുള്ള രാഹുൽ ഗാന്ധിയുടെ നേതൃത്വത്തിൽ ഭാരത് ജോഡോ മാർച്ചും സംഭവിച്ചത് ഈ വർഷമാണ്.
