മൂന്ന് മാസത്തേക്ക് സംസ്ഥാനത്തെ എല്ലാ മദ്യഷോപ്പുകളും അടച്ചിടാന്‍ ഹൈക്കോടതി ഉത്തരവ്. ദേശീയ പാതയില്‍ നിന്ന് 500 മീറ്റര്‍ പരിധിയില്‍ മദ്യശാലകള്‍ പ്രവര്‍ത്തിക്കരുതെന്ന സുപ്രീംകോടതി വിധി മറികടക്കാനുള്ള ശ്രമത്തിനെതിരെ ഡി എം കെ നല്‍കിയ ഹര്‍ജിയിലാണ് തമിഴ്‌നാട് സര്‍ക്കാരിനോട് മദ്രാസ് ഹൈക്കോടതി ഈ ഉത്തരവിട്ടത്.
നിലവിലെ ദേശീയ സംസ്ഥാന പാതകള്‍ ജില്ല കോര്‍പ്പറേഷന്‍ പാതകളായി മാറ്റാനുള്ള സംസ്ഥാന സര്‍ക്കാരിന്റെ ശ്രമം തടയണമെന്നാവശ്യപ്പെട്ടായിരുന്നു ഡി.എം.കെ ഹൈക്കോടതിയെ സമീപിച്ചത്. സുപ്രീംകോടതി പുറപ്പെടുവിച്ച വിധി മറികടക്കാനാണ് ദേശീയ-സംസ്ഥാന പാതകള്‍ പുനര്‍നാമകരണം ചെയ്യുന്നതെന്നായിരുന്നു ഡി എം കെയുടെ വാദം.