ജയലളിതയുടെ ഉള്‍ക്കരുത്ത് ആയി അവരോടൊപ്പ്ം ഉണ്ടായിരുന്നവര്‍ ആണ് ശശികല. അതുകൊണ്ട്, അവര്‍ തന്നെയാണ് പാര്‍ട്ടി നേതൃസ്ഥാനത്തേക്ക് വരേണ്ടത്. ശശികല പാര്‍ട്ടിയെ നയിക്കണമെന്നാണ് എല്ലാവരും ആഗ്രഹിക്കുന്നതെന്നും പൊന്നയ്യന്‍ പറഞ്ഞു.
ജയലളിതയുടെ മരണശേഷം അവരുടെ വസതിയായ ചെന്നൈ പോയസ് ഗാര്‍ഡനിലാണ് ശശികല താമസിക്കുന്നത്. ജനറല്‍ സെക്രട്ടറി സ്ഥാനം ഏറ്റെടുക്കണമെന്ന് പാര്‍ട്ടി നേതാക്കളും പോഷക സംഘടനാ നേതാക്കളും പോയസ് ഗാര്‍ഡനിലെത്തി ശശികലയോട് ആവശ്യപ്പെട്ടിരുന്നു. ശശികലയെയാണ് നേതൃസ്ഥാനത്തേക്ക് പരിഗണിക്കുന്നതെന്ന് മുഖ്യമന്ത്രി ഒ പനീര്‍ സെല്‍വവും അഭിപ്രായപ്പെട്ടിരുന്നു.
