ക്ഷേത്രത്തിലെ പ്രസാദത്തിൽ ഭക്ഷ്യവിഷബാധ; 73 പേർ ആശുപത്രിയിൽ, സംഭവത്തിൽ അന്വേഷണത്തിന് ഉത്തരവ്

കടലൂരിൽ ക്ഷേത്രത്തിലെ പ്രസാദത്തിൽ നിന്നും ആറ് കുട്ടികൾക്കുൾപ്പടെ 73 പേർക്ക് ഭക്ഷ്യവിഷബാധയേറ്റു. സദാമംഗലത്തെ അമ്മൻ ക്ഷേത്രത്തിലാണ് സംഭവമുണ്ടായത്. ക്ഷേത്രത്തിലെ പ്രസാദമായ സാമ്പാറും ചോരും കഴിച്ചതിനുഇ ശേഷം ഭക്തരിൽ ശക്തമായ ചർദ്ദിയും വയറു വേദനയും അനുഭവപ്പെടുകയായിരുന്നു. 

അസ്വസ്ഥത പ്രകടിപ്പിച്ചവരെയെല്ലാം സമീപത്തെ ആശുപത്രിയിൽ പ്രവേശിപ്പിച്ചിരിക്കുകയാണ്. പ്രസാദത്തിൽ ചത്ത പല്ലിയെ കണ്ടിരുന്നു എന്നും ഇതു തന്നെയാവും തങ്ങൾക്ക് തന്നിട്ടുണ്ടാവുക എന്നും ചില വിശ്വാസികൾ വെളിപ്പെടുത്തിയിട്ടുണ്ട്.  

വിരുദാചലം റവന്യൂ ഡിവിഷണല്‍ ഓഫിസര്‍ എസ്.ചന്ദ്ര സംഭവ സ്ഥലം സന്ദർശിച്ച് അന്വേഷണത്തിന് ഉത്തരവിട്ടിട്ടുണ്ട്. അതേ സമയം ആശുപത്രിയിൽ പ്രവേശിപ്പിച്ച എല്ലാവരും അപകടനില തരണം ചെയ്തതായി  ഡോക്ടർമാർ അറിയിച്ചു.