പഞ്ചാബ് മുന്‍ മുഖ്യമന്ത്രി ബിയാന്ത് സിംഗിനെ കൊലപ്പെടുത്തിയ കേസിലെ പ്രതി പിടിയില്‍. കേസിലെ പ്രതിയായ ജഗ്താര്‍ സിംഗിനെ തായ്ലഡില്‍ നിന്നാണ് പിടികൂടിയത്.
രഹസ്യ വിവരം ലഭിച്ചതിനെത്തുടര്‍ന്ന് പഞ്ചാബ് പോലീസാണ് ഇയാളെ അറസ്റ്റ് ചെയ്തത്. പഞ്ചാബ് ഭീകരസംഘടനയായ ബബര്‍ ഖല്‍സയുടെ നേതാവായ ജഗ്താര്‍ സിംഗ് 2004 ല്‍ ജയിലില്‍ നിന്നു തുരങ്കമുണ്ടാക്കി ചാടിയ നാലു പ്രതികളില്‍ ഒരാളാണ്.
1995 ഓഗസ്റ്റ് 31നാണ് പഞ്ചാബ് മുഖ്യമന്ത്രിയായിരുന്ന ബിയാന്ത് സിങ് കൊല്ലപ്പെട്ടത്. സെക്രട്ടേറിയറ്റ് മന്ദിരത്തിലെ ഓഫിസില്‍ നിന്നിറങ്ങി കാറില്‍ കയറാനൊരുങ്ങുമ്പോഴായിരുന്നു സ്‌ഫോടനം നടന്നത്.