ദന്തല്‍ ക്ലിനിക്കില്‍ മലിനമായ സലൈന്‍ ഉപയോഗിച്ചതുമൂലം തമിഴ്‌നാട്ടില്‍ എട്ടുപേര്‍ ഗുരുതരമായ ബ്രെയിന്‍ അണുബാധ മൂലം മരിച്ചു. തമിഴ്‌നാട്ടിലെ തിരുപത്തൂര്‍ ജില്ലയിലാണ് സംഭവം. ഈ അവസ്ഥയെ ന്യൂറോമെലിയോയ്‌ഡോസിസ് എന്നാണ് പറയുന്നത്. ഇത് തലച്ചോറും സുഷുമ്നാ നാഡിയും ഉള്‍പ്പെടെയുള്ള കേന്ദ്ര നാഡീവ്യവസ്ഥയെ ബാധിക്കുന്ന രോഗമാണ്.
ദന്ത പരിശോധനയ്ക്കിടെ മലിനമായ ഉപ്പുവെള്ളം ഉപയോഗിച്ചതിനാലാണ് ഇത് സംഭവിച്ചത്. ശസ്ത്രക്രിയാ ഉപകരണങ്ങള്‍ ഉപയോഗിച്ച് സലൈന്‍ കുപ്പികള്‍ തുറന്നതാണ് ഇതില്‍ ബര്‍ഖോള്‍ഡെറിയ സ്യൂഡോമല്ലെയ് എന്ന ബാക്ടീരിയ വികസിക്കാന്‍ കാരണമായത്. ഇത് തലച്ചോറിനെ ആക്രമിച്ച് രോഗികളെ മരണത്തിലേക്ക് തള്ളവിട്ടതായും അന്വേഷണത്തില്‍ കണ്ടെത്തി.
