പ്രസവ ശസ്ത്രക്രിയ നടക്കുന്നതിനിടെ ഓപ്പറേഷന്‍ തിയറ്ററില്‍ ഡോക്ടര്‍മാരുടെ തമ്മില്‍ത്തല്ല്. രാജസ്ഥാനിലെ ജോധ്പുരിലെ ഉമൈദ് ആശുപത്രിയിലാണ് സംഭവം. സ്ഥലകാല ബോധമില്ലാതെ ഡോക്ടർമാർ വഴക്കിടുന്നതിനിടെ, ഗുരുതരാവസ്ഥയിലായിരുന്ന നവജാതശിശു മരിക്കുകയും ചെയ്തു. തുടര്‍ന്ന് ഇതിന് ഉത്തരവാദികളായ രണ്ടു ഡോക്ടർമാരെ അന്വേഷണ വിധേയമായി സസ്പെൻ‍ഡ് ചെയ്യുകയും ചെയ്തു.
ശസ്ത്രക്രിയ നടത്തി കുഞ്ഞിനെ പുറത്തെടുത്തിരുന്നെങ്കിലും ഡോക്ടർമാരുടെ അലംഭാവം മൂലം രക്ഷിക്കാന്‍ കഴിഞ്നില്ല. അതേസമയം, ഡോക്ടര്‍മാരുടെ വഴക്കാണ് കുട്ടി മരിക്കാന്‍ കാരണമെന്ന് ആശുപത്രി സൂപ്രണ്ടന്റ് രഞ്ജന ദേശായി പറഞ്ഞു. ശ്വാസം ലഭിക്കാതിരുന്നതാണു മരണ കാരണമെന്നും സൂപ്രണ്ടന്റ് അറിയിച്ചു.
