ബിജെപി നേതാവ് ഒ പി മാഥൂറുമായി ശിവസേന അധ്യക്ഷന്‍ ഉദ്ധവ് താക്കറെ, മകന്‍ ആദിത്യ താക്കറെ, മുതിര്‍ന്ന നേതാവ് സുഭാഷ് ദേശായി എന്നിവരാണ് ചര്‍ച്ച നടത്തിയത്. ചര്‍ച്ചയില്‍ സമവായ സാധ്യത തെളിഞ്ഞെങ്കിലും അന്തിമതീരുമാനമായിട്ടില്ല. കഴിഞ്ഞ 25 വര്‍ഷം ബിജെപി ജയിക്കാത്ത 19 സീറ്റുകള്‍ ശിവസേനയ്ക്ക് നല്‍കാമെന്നും പകരം ശിവസേന പതിവായി തോല്‍ക്കുന്ന 59 സീറ്റില്‍ 32 എണ്ണം തിരിച്ചുനല്‍കണമെന്ന ആവശ്യമാണ് ബിജെപി മുന്നോട്ടുവച്ചിരിക്കുന്നത്. ഇതിന് ശിവസേന വഴങ്ങിയില്ലെങ്കിലും പൂര്‍ണമായും തള്ളിയിട്ടില്ല.
