വിമാനത്തില്‍ പോകുന്ന പൈലറ്റുമാര്‍ക്കും ക്രൂ അംഗങ്ങള്‍ക്കും കോവിഡ് പരിശോധന നടത്താറുണ്ടായിരുന്നു. ഈ വിമാനത്തിലെ ജീവനക്കാര്‍ക്കും ടെസ്റ്റ് നടത്തി. എന്നാല്‍, വിമാനത്തിലെ ക്യാപ്റ്റന് കോവിഡ് പോസീറ്റിവ് എന്നത് ക്രൂ അംഗങ്ങള്‍ നെഗറ്റീവ് എന്ന് തെറ്റായി വായിക്കുകായായിരുന്നു. തുടര്‍ന്നാണ് ദല്‍ഹിയില്‍ നിന്ന് യാത്രക്കാരില്ലാതെ വിമാനം മോസ്‌കോയിലേക്ക് പറന്നത്. എന്നാല്‍, വിവരം അറിഞ്ഞതോടെ എയര്‍ഇന്ത്യ അധികൃതര്‍ വിമാനം തിരിച്ചു ദല്‍ഹിക്കു വിളിപ്പിച്ചു. വിമാനത്തിലെ എല്ലാ ജീവനക്കാരേയും നിരീക്ഷണത്തിലാക്കുകയും വിമാനം പൂര്‍ണമായി അണുവിമുക്തമാക്കുകയും ചെയ്തു.
