ഓഗസ്റ്റ് അഞ്ചിന് നടക്കുന്ന രാമക്ഷേത്ര ശിലാസ്ഥാപനത്തിന് മുതിർന്ന ബി ജെ പി നേതാക്കളായ എൽ കെ അഡ്വാനിക്കും മുരളി മനോഹർ ജോഷിക്കും ഫോണിലൂടെ ക്ഷണമുണ്ടാകുമെന്ന് റിപ്പോർട്ട്. പ്രധാനമന്ത്രി നരേന്ദ്രമോദി പങ്കെടുക്കുന്ന ചടങ്ങിലേക്ക് ഇരുവരെയും ക്ഷണിച്ചിട്ടില്ലെന്നുള്ള റിപ്പോർട്ടുകൾ ചർച്ചയായ സാഹചര്യത്തിലാണ് നേതൃത്വം കൂടുതൽ വിശദീകരണം നൽകുന്നത്. എല്ലാവരെയും ഇത്തരത്തിൽ തന്നെയാണ് ക്ഷണിച്ചിട്ടുള്ളതെന്നാണ് വിശദീകരണം. അഡ്വാനിയും ജോഷിയും ചടങ്ങിൽ പങ്കെടുത്തേക്കുമെന്നും അറിയുന്നു.
