ഭാവി തകര്‍ക്കാനുള്ള നീക്കത്തിന്റെ ഭാഗമാണ് മയക്കുമരുന്നു കേസിലെ ആരോപണമെന്ന് തെലുങ്ക് സിനിമാ താരം ചാർമി കൗർ. തന്റെ സിനിമാ ഭാവിയും ജീവിതവും തകർക്കാനാണ് കേസിൽ തന്റെ പേര് വലിച്ചിടുന്നത്. താനൊരു അവിവാഹിതയായ യുവതിയാണെന്നും അവര്‍ പറഞ്ഞു.
കേസിൽ ബുധനാഴ്ച ചോദ്യം ചെയ്യലിന് ഹാജരാകൻ ചാർമിക്ക് അന്വേഷണ ഉദ്യോഗസ്ഥർ നോട്ടീസ് നൽകിയിരുന്നു. അതേസമയം അഭിഭാഷകന്റെ സാന്നിദ്ധ്യത്തിൽ മാത്രമെ ചോദ്യം ചെയാൻ പാടുള്ളു എന്ന് കാണിച്ച് ചാർമി ഹൈക്കോടതിയിൽ നൽകിയ ഹര്‍ജി അവര്‍ക്ക് അനുകൂലമായി.
ചോദ്യം ചെയ്യാന്‍ ഹാജരാകാന്‍ പറഞ്ഞ എക്സൈസ് വകുപ്പിന് മുന്നില്‍ ചാര്‍മി മുന്നോട്ട് വച്ച ആവശ്യങ്ങള്‍ വ്യത്യസ്ഥമായിരുന്നു. തന്റെ രക്തവും മുടിയും നഖവും ബലപ്രയോഗത്തിലൂടെ പരിശോധനയ്ക്ക് എടുക്കരുത് എന്നാണ് ഇപ്പോള്‍ ചാര്‍മിയുടെ ആവശ്യം.