പെണ്‍കുട്ടിയുടെ സഹോദരന്‍ ഗൗതം ഇരുവരേയും ബെഡ് റൂമില്‍ കണ്ടെത്തിയതിനെ തുടര്‍ന്ന് ആക്രമിക്കാനൊരുങ്ങിയിരുന്നു. പരിഭ്രാന്തനായ സൂരജ് ഗൗതമിന് നേരെ വെടി വച്ചതായും പൊലീസ് പറയുന്നു. ഇതേ തുടര്‍ന്ന് പെണ്‍കുട്ടിയുടെ ബന്ധുക്കളും നാട്ടുകാരും ചേര്‍ന്ന് സൂരജിനെ ഇരുമ്പ് റോഡുകളും വടികളും കൂര്‍ത്ത ആയുധങ്ങളും കൊണ്ട് വളഞ്ഞിട്ട് ആക്രമിച്ചു.
ആശുപത്രിയിലെത്തിക്കുന്നതിന് മുമ്പ് സൂരജ് മരിച്ചു. പരിക്കേറ്റ ഗൗതമിനെ ആശുപത്രിയില്‍ പ്രവേശിപ്പിച്ചു. സൂരജിന്റെ മൃതദേഹം പോസ്റ്റ്‌മോര്‍ട്ടത്തിന് വിട്ടു. പെണ്‍കുട്ടിയുടെ സഹോദരന്മാരും അച്ഛനുമടക്കമുള്ളവര്‍ക്കെതിരെ പൊലീസ് കേസെടുത്തിട്ടുണ്ട്.