ഹിന്ദി സീരിയൻ താരവും ബിഗ് ബോസ് സീസൺ പതിനൊന്നിലെ മത്സരാർത്ഥിയുമായ ഹീന ഖാൻ ആണ് ഇപ്പോൾ വാർത്തകളിൽ നിറഞ്ഞു നിൽക്കുന്നത്. തെന്നിന്ത്യന്‍ നടിമാരെ ആക്ഷേപിച്ച് പ്രസ്താവന നടത്തിയതിന്റെ പേരിലാണ് ഹീന മറ്റു താരങ്ങളിൽ നിന്നും സോഷ്യൽ മീഡിയകളിൽ നിന്നും പൊങ്കാല ഏറ്റുവാങ്ങുന്നത്.
ഇപ്പോഴിതാ, തെന്നിന്ത്യൻ താരസുന്ദരി ഹൻസിക ഹീനയ്ക്കെതിരെ പരസ്യമായി രംഗത്തെത്തിയിരിക്കുകയാണ്. പല ബോളിവുഡ് നടിമാരും അവരുടെ അഭിനയ ജീവിതം തുടങ്ങിയത് സൗത്ത് ഇന്ത്യന്‍ സിനിമകളിലാണെന്ന കാര്യം അവർക്കറിയാത്തതാണോയെന്നും തെന്നിന്ത്യൻ നടിമാരെ തരം താഴ്ത്താന്‍ ശ്രമിച്ച നിങ്ങളോട് പുച്ഛം മാത്രമാണ് തോന്നുന്നതെന്നും ഹൻസിക വ്യക്തമാക്കി. ട്വിറ്റർ വഴിയായിരുന്നു താരത്തിന്റെ പ്രതികരണം.
ആരാധകരെ കയ്യിലെടുക്കാനും സിനിമയില്‍ പിടിച്ചു നില്‍ക്കാനും തെന്നിന്ത്യന്‍ നായികമാര്‍ക്ക് അല്പവസ്ത്രധാരണവും ഗ്ലാമറസും ആയാല്‍ മാത്രമേ സാധിക്കൂ എന്ന് ഹീന ബിഗ് ബോസിന്റെ ഒരു എപ്പിസോഡിൽ പറഞ്ഞിരുന്നു. ഇതാണ് വിവാദങ്ങൾക്ക് തുടക്കമിട്ടത്.