അന്തമാന്‍ നിക്കോബാര്‍ ദ്വീപിലെ ആദിവാസി സ്ത്രീകളുടെ നഗ്നനൃത്തം ചിത്രീകരിച്ച പൊലീസുകാരന്‍ അറസ്റ്റില്‍. കോണ്‍സ്റ്റബിളായ സില്‍വാരിയോസ് കിന്‍ഡോയിനെയാണ് അന്തമാന്‍ നിക്കോബാര്‍ പോലീസ് അറസ്റ്റ് ചെയ്തത്.
വിനോദ സഞ്ചാരികള്‍ക്കു മുന്നില്‍ നഗ്നനൃത്തം ചെയ്യാന്‍ ഇയാള്‍ നിര്‍ബന്ധിക്കുകയായിരുന്നെന്ന് അന്വേഷണത്തില്‍ കണ്ടെത്തിയിരുന്നു. തുടര്‍ന്ന് ഇയാളെ സര്‍വീസില്‍ നിന്ന് സസ്‌പെന്‍ഡ് ചെയ്തിരുന്നു.
സ്ത്രീകളോട് പൊലീസ് ഓഫിസര്‍ നൃത്തം ചെയ്യാന്‍ ആവശ്യപ്പെടുന്നത് വീഡിയോയില്‍ കേള്‍ക്കാം, നിങ്ങള്‍ക്ക് ഞാന്‍ ഭക്ഷണം വാങ്ങിത്തന്നില്ലേ എന്നും ഇയാള്‍ ചോദിക്കുന്നുണ്ട്. വിനോദസഞ്ചാരികളില്‍ നിന്ന് കൈക്കൂലി വാങ്ങി ഇവിടുത്തെ ലോക്കല്‍ പൊലീസ് സ്ത്രീകളെ നിര്‍ബന്ധിച്ച് നഗ്നനൃത്തം ചെയ്യിക്കുന്നെന്ന് ദി ഗാഡിയന്‍ പത്രമാണ് റിപ്പോര്‍ട്ട് ചെയ്തത്.