1991ലാണ് സിദ്ദിക്ക് ലാല്‍ സംവിധാനം ചെയ്ത ‘ഗോഡ്ഫാദര്‍’ പ്രദര്‍ശനത്തിനെത്തിയത്. 12 ലക്ഷം രൂപ മുതല്‍ മുടക്കിയ ചിത്രത്തില്‍ മുകേഷായിരുന്നു നായകന്‍. ചിത്രം അഞ്ചുകോടിയോളം രൂപ ഗ്രോസ് കളക്ഷന്‍ നേടി. സാറ്റലൈറ്റ് റൈറ്റുള്‍പ്പടെ വേറെയും ബിസിനസുകളിലൂടെ ചിത്രത്തിന് വന്‍ സാമ്പത്തിക നേട്ടമുണ്ടായി. സ്വര്‍ഗചിത്ര അപ്പച്ചനായിരുന്നു ചിത്രം നിര്‍മ്മിച്ചത്.
ഗോഡ്ഫാദറില്‍ മുകേഷിന് പുറമേ തിലകന്‍, ഇന്നസെന്‍റ്, ഭീമന്‍ രഘു, സിദ്ദിക്ക്, കനക, ഫിലോമിന, കെ പി എ സി ലളിത, ജഗദീഷ് തുടങ്ങിയവരും താരങ്ങളായി. നാടകാചാര്യന്‍ എന്‍ എന്‍ പിള്ള കേന്ദ്ര കഥാപാത്രമായ അഞ്ഞൂറാനേയും ഫിലോമിന്‍ ആനപ്പാറ അച്ചമ്മയേയും അനശ്വരമാക്കി.
