വലിയ ടൂറിസം സെന്‍ററുകളാണ് കേരളത്തിലെ ബീച്ചുകള്‍. കുടുംബത്തോടൊപ്പം പോകാനും കമിതാക്കള്‍ക്ക് പ്രണയം പങ്കിടാനും ഒരുപോലെ സുന്ദരമായ ഒട്ടേറെ കടല്‍ത്തീരങ്ങള്‍ കേരളത്തിലുണ്ട്. വിദേശികള്‍ ഏറെ വന്നെത്തുന്ന ബീച്ചുകള്‍ കേരളത്തിന്‍റെ ടൂറിസം ബിസിനസിന്‍റെ കേന്ദ്രങ്ങളാണ്.
ബീച്ചുകളിലെ സായന്തനങ്ങളും പ്രഭാതങ്ങളും ഒരുപോലെ മികച്ച അനുഭവങ്ങളാണ്. പ്രത്യേകിച്ചും കേരളത്തില്‍. അതുതന്നെയാണ് ലോകമെങ്ങുമുള്ള സഞ്ചാരികളെ കേരളത്തിലേക്ക് ആകര്‍ഷിക്കുന്നതും.
കേരളത്തിലെ ബീച്ചുകള്‍ കേന്ദ്രീകരിച്ച് വലിയ വാണിജ്യ കേന്ദ്രങ്ങളും വളരുന്നു. റിസോര്‍ട്ടുകളും പാര്‍ക്കുകളും വരുന്നു. ഒരര്‍ത്ഥത്തില്‍ കേരളത്തിന്‍റെ മുഖം തന്നെ മാറ്റിത്തീര്‍ക്കാന്‍ പോകുന്ന വ്യവസായ കേന്ദ്രങ്ങള്‍ കൂടിയായി ബീച്ചുകള്‍ മാറുന്നുണ്ട്.