കമിതാക്കളെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി. കിളിമാനൂർ വാളാഞ്ചേരി ശ്രീലകം വീട്ടിൽ മോഹനൻ ബിന്ദു ദമ്പതികളുടെ മകൻ അക്ഷയ് മോഹൻ എന്ന ഇരുപതുകാരനും ആറ്റിങ്ങൽ വാളക്കാട് എസ്.എസ്.വില്ലയിൽ ഉമ്മർ റജില ദമ്പതികളുടെ മകൾ ഷാഹിന എന്ന ഇരുപതുകാരിയുമാണ് തൂങ്ങിമരിച്ച നിലയിൽ കാണപ്പെട്ടത്.
കഴിഞ്ഞ ദിവസം രാവിലെ പനപ്പാംകുന്നിലുള്ള അക്ഷയമോഹന്റെ മുത്തശിയുടെ വീടിനുള്ളിലാണ് ഇവരുടെ മൃതദേഹങ്ങൾ കണ്ടെത്തിയത്. ആറ്റിങ്ങലിലെ പി.എസ്.സി കോച്ചിംഗ് സെന്ററിൽ പഠിക്കുന്ന ഇരുവരും പ്രണയത്തിലായിരുന്നു. ഇരുമതത്തിൽ പെട്ട ഇവരുടെ വിവാഹം നടക്കില്ലെന്ന തോന്നലാവാം ഇവരെ ആത്മഹത്യയ്ക്ക് പ്രേരിപ്പിച്ചതെന്ന് കരുതുന്നു.