ഇപ്പോഴിതാ, നടി അമല പോളും താരത്തിനു പിന്തുണയുമായി രംഗത്തെത്തിയിരിക്കുകയാണ്. നല്ല സിനിമയെ പ്രേക്ഷകര്‍ സ്വീകരിക്കുമെന്നതിനുള്ള ഉത്തമോദഹരണം കൂടിയാണ് അറം. സൂപ്പര്‍ സ്റ്റാറുകള്‍ കേന്ദ്ര കഥാപാത്രമായെത്തുന്ന സിനിമകള്‍ മാത്രമല്ല വിജയിക്കുന്നതെന്നും ഈ ചിത്രം കാണിച്ച് തന്നു. നയന്‍താരയ്ക്കും ടീമിനും അഭിനന്ദനമെന്നാണ് താരം ട്വിറ്ററില്‍ കുറിച്ചിട്ടുള്ളത്.
സത്യന്‍ അന്തിക്കാട് സംവിധാനം ചെയ്ത മനസ്സിനക്കരെയിലൂടെയാണ് നയന്താര സിനിമയില്‍ തുടക്കം കുറിച്ചത്. നാടന്‍ പെണ്‍കുട്ടി എന്ന ലേബലില്‍ നിന്നും ഗ്ലാമര്‍ താരമെന്ന നിലയിലേക്ക് നയന്താര കുതിച്ചുയര്‍ന്നത് പെട്ടന്നായിരുന്നു. തെന്നിന്ത്യയുടെ ലേഡി സൂപ്പര്‍സ്റ്റാര്‍ എന്ന പദവി ലഭിച്ചതോടെ ഗ്ലാമര്‍ വേഷത്തോട് ബൈ പറയുകയും ശക്തമായ കഥാപാത്രങ്ങളെ സ്വീകരിക്കുകയും ചെയ്തിരിക്കുകയാണ് നയന്‍സ്.
