ഇത് രണ്ടാം തവണയാണ് അമല പോള്‍ മോട്ടോര്‍ വാഹന വകുപ്പിന് മറുപടി നല്‍കുന്നത്. കഴിഞ്ഞ ദിവസം നല്‍കിയ നോട്ടീസില്‍ അമല നേരിട്ടെത്തി വിശദീകരണം നല്‍കണമെന്ന് മോട്ടോര്‍ വാഹന വകുപ്പ് നിര്‍ദ്ദേശിച്ചിരുന്നു. അതേസമയം, അമലയുടെ മറുപടി തൃപ്ത‌കരമല്ലെന്നും നടിക്കെതിരായ നടപടികളുമായി മുന്നോട്ട് പോകുമെന്നുമാണ് മോട്ടോര്‍ വാഹന വകുപ്പിന്റെ തീരുമാനം.
പോണ്ടിച്ചേരിയിലെ ആനുകൂല്യങ്ങള്‍ പറ്റിയാണ് ഒന്നര കോടി വില മതിക്കുന്ന എസ് ക്ലാസ് ബെന്‍സ് അമല രജിസ്റ്റര്‍ ചെയ്യത്. പോണ്ടിച്ചേരിയില്‍ ഒന്നേ കാല്‍ ലക്ഷം രൂപ അടച്ച സ്ഥാനത്ത് കേരളത്തിലായിരുന്നെങ്കില്‍ 20 ലക്ഷം രൂപ അമല നല്‍കേണ്ടി വരുമായിരുന്നു. നികുതി വെട്ടിച്ച് കേരളത്തിലേക്ക് കടത്തിയ കാര്‍ നിലവില്‍ കൊച്ചിയിലാണ് ഓടുന്നത്.
