നടി ആക്രമിക്കപ്പെട്ട സംഭവത്തില്‍ ആരോപണ വിധേയനായ നടന്‍ ദിലീപിനെതിരെ തെളിവുകള്‍ ഒന്നും ലഭിക്കാത്ത സാഹചര്യത്തില്‍ തന്നെ അപമാനിക്കുന്ന തീരിയില്‍ വാര്‍ത്തകള്‍ പ്രചരിപ്പിച്ച മാധ്യമങ്ങള്‍ക്കെതിരെ നിയമ നടപടിയിലേക്ക് നീങ്ങുകയാണ് താരമെന്ന് സൂചനകള്‍.
ദിലീപിനെതിരായി തെളിവുകള്‍ ഒന്നും കണ്ടെത്താന്‍ കഴിയാത്തതില്‍ സഹതാരങ്ങള്‍ ആശ്വസിക്കുകയാണ്. നടന്‍ കുറ്റം ചെയ്തിട്ടുണ്ടെങ്കില്‍ അതിനുള്ള ശിക്ഷ ലഭിച്ചിരിക്കും. എന്നാല്‍, തെളിവുകള്‍ ഇല്ലാതെ അദ്ദെഹത്തെ കുറ്റാരോപിതനാക്കി മാറ്റുന്നതില്‍ സഹതാരങ്ങള്‍ക്കും എതിര്‍പ്പുണ്ട്.
സംഭവത്തില്‍ മാധ്യമങ്ങള്‍ക്കെതിരെയാണ് സൂപ്പര്‍ താരങ്ങള്‍ ഉള്‍പ്പെടെയുള്ളവരുടെ പ്രതിഷേധം മുഴുവന്‍. യാഥാര്‍ത്ഥ്യം വ്യക്തമാകും മുന്‍പ് ദിലീപിനെ കുറ്റവാളിയാക്കി ചിത്രീകരിച്ചത് ഒരിക്കലും അംഗീകരിക്കാന്‍ കഴിയില്ലെന്നും ഇതിനെതിരെ താരം മാന നഷ്ടകേസ് നല്‍കണമെന്നുമാണ് സഹപ്രവര്‍ത്തകര്‍ ആവശ്യപ്പെടുന്നത്. നാളെ മറ്റൊരാള്‍ക്കും ഈ ഗതി വരാതിരിക്കാന്‍ ഇത്തരം നിയമ നടപടി അനിവാര്യമാണെന്നും ദിലീപ് അത് ചെയ്യുമെന്ന് തന്നെയാണ് തങ്ങള്‍ വിശ്വസിക്കുന്നതെന്ന് പ്രമുഖ താരം വെളിപ്പെടുത്തി.
നിരപരാധിത്യം പൂര്‍ണ്ണമായും പുറം ലോകത്തിന് ബോധ്യമാകുന്നതോടെ മാനനഷ്ടകേസുമായി മുന്നോട്ട് പോകണമെന്നതാണ് ഉപദേശം. പത്രമാധ്യമങ്ങള്‍ക്കെതിരായി ദിലീപ് മാനന്‍ഷ്ട കേസ് ഫയല്‍ ചെയ്യാനും സാധ്യതയുണ്ട്. എന്നാല്‍ ഈ വിവാദങ്ങള്‍ക്കൊന്നും ചെവികൊടുക്കാതെ തന്റെ നിരപരാധിത്യം സമൂഹത്തിന് പൂര്‍ണ്ണമായും ഉടന്‍ ബോധ്യമാകുമെന്ന പ്രതീക്ഷയില്‍ അന്വേഷണ സംഘത്തിന്റെ റിപ്പോര്‍ട്ടിനായി കാത്തിരിക്കുകയാണ് ദിലീപ്.