അങ്കമാലി മജിസ്ട്രേറ്റ് കോടതി രണ്ടാമതും ജാമ്യം നിഷേധിച്ചതറിഞ്ഞ നടന്‍ ദിലീപിനു ഇത്തവണ ഭാവവ്യത്യാസമൊന്നും ഉണ്ടായിരുന്നില്ല. നാലം തവണയും ജാമ്യം നിഷേധിച്ചുവെന്ന വാര്‍ത്ത ദിലീപിനെ അറിയിച്ചത് ജയില്‍ വാര്‍ഡനായിരുന്നു.
കഴിഞ്ഞ പ്രാവശ്യങ്ങളില്‍ ജാമ്യം നിഷേധിച്ചപ്പോള്‍ താരം ജയിലിലെ ഭിത്തിയില്‍ തലകൊണ്ടിടിക്കുകയും ഉച്ചത്തില്‍ പൊട്ടിക്കരയുകയും ചെയ്തിരുന്നു. എന്നാല്‍, ഇത്തവണ വൈകാരിക പ്രകടനങ്ങള്‍ ഒന്നും തന്നെയുണ്ടായിരുന്നില്ല. ജാമ്യം കിട്ടില്ലെന്ന് താരത്തിനു അറിയാമായിരുന്നതു പോലെയായിരുന്നു ദിലീപിന്റെ പെരുമാറ്റം. ഹൈക്കോടതി ജാമ്യം നിഷേധിച്ചിടത്ത് കീഴ്ക്കോടതിയില്‍ ദിലീപിനെ ജാമ്യം ലഭിക്കില്ലെന്ന് പലരും പറഞ്ഞിരുന്നു.
ദിലീപ് ഇപ്പോള്‍ മറ്റുകാര്യങ്ങളിലൊന്നും ശ്രദ്ധ ചെലുത്താറില്ല. ഫുള്‍ ടൈം എഴുതുകയാണ്. ദിലീപ് ജയിലിനുള്ളില്‍ തിരക്കഥയെഴുതുകയാണെന്നാണ് സൂചനകള്‍. ഇതിനായി അമ്പതിലധികം പേപ്പറുകള്‍ ദിലീപ് ജയിലിലെ വെല്‍‌ഫെയര്‍ ഓഫീസില്‍ നിന്നും ഒപ്പിട്ടുവാങ്ങിയിട്ടുണ്ടെന്ന് മംഗളം റിപ്പോര്‍ട്ട് ചെയ്യുന്നു.
സിനിമയ്ക്ക് തന്നെയാണ് ദിലീപ് തിരക്കഥ എഴുതുന്നത്. റഫറന്‍സിനായി മലയാളത്തിലെ മികച്ച കഥകളും തിരക്കഥകളും കൊണ്ടുവരാന്‍ ദിലീപ് അനുജന്‍ അനൂപിനോട് ആവശ്യപ്പെട്ടിട്ടുണ്ടെന്ന് റിപ്പോര്‍ട്ടുകള്‍. ഏത് കഥയാണ് എഴുതുന്നതെന്ന് ദിലീപ് ഇതുവരെ ആരേയും അറിയിച്ചിട്ടില്ലെങ്കിലും നിരവധി പരീക്ഷണങ്ങളിലൂടെ കടന്ന് പോയ തന്റെ തന്നെ ജീവിതകഥയായിരിക്കും ദിലീപ് എഴുതുകയെന്നാണ് സൂചന.